Einu sinni enn... !

Jamm... kominn vetur einu sinni enn!

2005-09-13T12:14:00.000Z

Já já skólinn er kominn á fullt og veturinn nálgast. Stundataflan mín er mjög frábrugðin því sem ég hef kynnst hingað til þar sem ég er ekkert svo mikið í skólanum... en það er samt alveg nóg að gera við að læra heima og æfa sig fyrir tónó svona þannig að þið þurfið ekkert að hafa miklar áhyggjur að ég hafi OF mikinn tíma aflögu!!!
Ég var að kaupa mér sjónvarp! Já fyrsta sjónvarpið sem ég hef á ævinni átt er komið í hús og fer sennilega upp á vegg í kvöld ef ég get gert einhver vinnuskipti við pabba ;)
Það er svo mikill dugnaður í honum pabba mínum, ég er svo ánægð með hann! Hann er núna byrjaður í Tækniháskólanum, sem heitir reyndar orðið Háskólinn í Reykjavík. Ekki nóg með að hann er byrjaður þar, hann rekur fyrirtæki og hefur alltaf haft nóg að gera í því þannig að hann verður að teljast frekar hugaður að láta sig hafa það að fara í skóla líka!
En ég er líka rosalega ánægð með hann Sigga minn! Já kadlinn bara búinn að vera að spila með Sinfó síðustu vikur! Já já bara 23 og er aðaltúbuleikarinn í þessari stóru og stórgóðu hljómsveit!!! Geri aðrir betur! Búin að fara á tvenna tónleika og já get ekki sagt annað en ég átti rosalega stórt hjarta þegar ég sá kadlinn þarna uppi á sviði!!!
Geta það talist eðlilegar harðsperrur ef manni er illt líka á meðan maður er kyrr? Ég er svoleiðis að deyja í olnbogum og öxlum að ég þarf ekki einu sinni að hreyfa mig til að finna til. Og þegar ég hreyfi mig er eins og vöðvarnir séu að rifna inni í mér!!! Mér er svona eiginlega hætt að lítast á þetta!!! Hringi kannski í Tóta eða Rut við tækifæri ;)
Annars á amma Lilla afmæli í dag... kíki kannski til hennar í kvöld og knúsa hana, kannski fæ ég köku í staðinn ;)
Nú er þetta komið gott í bili... reyni kannski að láta heyra í mér fljótt aftur!
Síjú gæs!

Úff það er sko komið sumar!

2005-06-16T12:45:00.000Z

Jájá... ég fór að vinna strax eftir próf og því hef ég alveg látið það eiga sig að blogga. Prófin gengu flest bara vel og tvö sem gengu vonum framar svo ég get verið sátt. En já mín er bara búin að vera úti í blíðunni sem hefur verið síðan prófin byrjuðu... meira að segja þegar það rigndi hérna sunnan lands í nokkra daga var mín fyrir norðan í stuttbuxum og gerðist bleik á nefinu! Ég fór á reunion á Hvolsvöll sem var mjög skemmtilegt framan af... veit ekki með seinni partinn! Og svo var bara meiri vinna. Nú er Siggi minn kominn heim frá Afríkunni! Hann er sko besti kall í heimi! Hann kom mér rosalega á óvart. Þannig var að ég var að vinna norður í Kröflu þegar hann kom heim og ég var ekkert á leiðinni í bæinn fyrr en viku eftir að hann kom til landsins. Ég er alltaf að vinna í tíu daga samfleytt eins og kannski sumir vita, það þýðir að ég vinn annan hvern laugardag og sunnudag. Karlinn gerði sér lítið fyrir og keyrði alla leiðina norður í Kröflu (sem er sko alveg 100km lengra en á Akureyri) um síðustu helgi til að hitta stelpuna sína. Já það munaði minnstu að það hefði liðið yfir mig!!! Ég varð rangeygð og skrítin að sjá hann... Var nebbla alveg búin að tala við hann tvisvar í síma sama dag! Annað skiptið sagðist hann vera á leiðinni á línuskauta með Stein vini sínum og í seinna skiptið mátti hann ekkert vera að því að tala við mig því hann var að fara í bíó... og hann ætlaði svo bara að hringja þegar hann var búin í bíóinu. Þannig að ég var að bíða eftir símtali þegar hann birtist kallinn! Vá hvað það var skrítið en alveg ótrúlega gaman að sjá hann! Hann kann sko á þetta kallinn :)
Annars höfum við það bara ágætt í Kröflu. Við erum með RÚV og stöð 2 og svo getum við skroppið í sund. Svo er þetta svæði, Mývatn/Krafla alveg fullt af stöðum til að skoða... það er allt svo fallegt þarna. Einn maðurinn upp í Kröflu fór með okkur á leynistað Mývatnssveitarinnar! Já það er sprunga í hrauninu sem maður klifrar ofan í... þegar maður er komin ofan í sprunguna og það er orðið svolítið rökkur sér maður ótrúlega fallega blátt og tært vatn í botninum á sprungunni! Og vatnið er akkúrat það heitt að maður getur baðað sig í því!!! Þetta er einn ævintýraheimur! Það eru víst fleiri svona gjár þar sem maður getur baðað sig en þessi er víst fallegust og fæstir vita af henni! Ótrúlegt!
Jamm annars er ekkert meira að frétta. Bara rosalega ánægð að vera búin að fá Sigga heim úr Afríku og ætla að eyða ÖLLU fríinu mínu með honum! Hann er reyndar að vinna í dag en svo ætla ég að fá einkaleyfið á honum! Vonandi fæ ég það samþykkt ;)
En já þar sem það er nú svo æðilsegt sumar fyrir utan gluggan ætti ég ekkert að vera að hanga hérna inni í tölvunni... þess vegna er ég barasta hætt þessu og farin út í sumarið!
Hafið það gott lömbin mín!
Sí jú leiter!

One to go!

2005-05-09T14:35:00.000Z

Veit ekkert hvað er búið að vera að þessu bloggi síðustu daga en ef þú ert að lesa þetta er það væntanlega komið í lag!

Já já ég er bara alveg að klára þessa prófa-törn! Fer í síðasta prófið á föstudaginn og satt að segja hlakka ég bara pínu til að takast á við það og sjá hvernig mér eigi eftir að ganga ;) Ótrúlegt en satt. Skemmtilegt fag og þetta gæti eiginlega ekki verið fullkomnara próf til að enda á! En já það er sko alveg komin tími á síðasta próf... var í prófi í morgun og sat ALLA helgina frá c.a. 9:30 - 22:00 að læra. Og ef ég var ekki að læra þá settist ég við matarborðið, settist í sófann eða settist bara einhvers staðar. Öll þessi seta er sko farin að segja til sín núna... ég er að drepast neðst í mjóbakinu vinstra megin og það er farið að leiða alveg upp í öxl og farið að nálgast hálsinn ískyggilega... verð að stoppa þetta áður en það nær upp í haus því þá er ég alveg ónýt!!! Er að spá í að skella mér í sund eða ljós? En já ef ykkur langar að vita þá gekk prófið svosem alveg þokkalega! Engin 10-ja en við sjáum til ;)
En planið á föstudaginn er sko að fara í sund eða bara eitthvað skemmtilegt og fara snemma að sofa!!! Svo ætla ég að vakna tiltölulega snemma á laugardaginn og hafa það huggó í sólinni (ef það verður sól) og svo ætla ég að nýta mér dömudekrið sem ég fékk í afmælisgjöf. Ætla sem sagt að fara niður í Laugar á laugardaginn og láta dekra við mig. Svo ætla ég að bjóða honum Sigga mínum út að borða því ég á svo ekki eftir að sjá hann í heilan mánuð og svo ætlum við að skemmta okkur saman á próflokadjammi verkfræðinnar! Held að ég hafi aldrei verið með fullkomnara plan!!! Ohhh hvað ég hlakka til!!!
En nú er ég hætt þessu blaðri... ætla að skella mér í sundið eða ljósin og heyri svo bara í ykkur síðar!
Bæjó spæjó!

Próf próf próf!

2005-04-29T17:13:00.000Z

Jájá prófin eru bara alveg að skella á... og hvað er þá annað og betra að gera í lestrarpásum en að blogga pínu. Það var alla vega einu sinni alveg ómissandi þáttur í prófunum... að skrifa og lesa blogg! En ætli maður hafi ekki bara fullorðnast pínu? Ég fann alla vega ekki alveg þessa rosalegu blogg þörf koma yfir mig núna.. samt er ég að blogga :/ En já fyrir ykkur sem hafið áhuga þá fer ég í fyrsta prófið mitt á mánudaginn (2. maí) og klára svo 13. maí. Jájá 13.maí! Svakalega er ég kát með það... hef aldrei verið búin svona snemma! En kannski fer ég ekki að vinna fyrr en fyrstu vikuna í júní þannig að ég fæ kannski smá snemmsumarfrí... og þó.. það er svo mikið að gera hjá pabba að ég fer kannski að hjálpa honum eitthvað ef ég get.
Anyways... lærdómurinn er að sjúga allt vit úr manni.. eða kannski er maður bara að verða yfirfullur af viti að maður getur ekki sagt neitt af viti! Ætli þessi setning hafi ekki bara verið til vitnis um það!!!
Nú er ég farin... meinilla farin og búin að vera!
Bæjó

Jájá... það er enn pínu lítið líf!

2005-04-18T14:07:00.000Z

Já ég hef nú þannig séð ekkert fréttnæmt að segja sem ég má segja frá allavega en ég get hins vegar sagt frá bráðskemmtilegu djammi sem ég endaði á á föstudaginn...
Þannig var að Blásarasveit Reykjavíkur var að störfum síðustu tvær vikurnar og var æft stíft fyrir tónleika sem haldir voru í Langholtskirkju á föstudagskvöld. Komu nú fleiri en flestir höfðu þorað að vona og gengu tónleikarnir bara vonum framar. Bara heví stuð á tónleikunum, að spila þessa súru nútímatónlist sem var eiginlega bara farin að hljóma eins og fínasta rokk... alla vega stykkið hans Hilmars Jenssonar en hann hafði samið "Líðan eftir atvikum..." - tónverk fyrir rafgítar og blásarasveit. En já að venju hjá Blásarasveit Reykjavíkur er svo haldið brjálað partý til að fagna vel heppnuðum tónleikum. Veigar var mætttur í partýið og NÓG af honum!!! Jájá... þar sem mín hefur nú ekki dottið í það TALSVERT lengi (margir sem geta vitnað um það) þá þurfti nú ekki mikið til að gera mína hressa... og eftir nokkra bjóra var mín orðin HIN HRESSASTA!!! Já svo hress var kindin og reyndar nokkrur hjörð að partýið reyndist okkur ekki nóg... ákveðið var að rölta niður í bæ. Í upphafi var samt algjörlega óljóst hvert förinni var heitið... við enduðum á því að tékka á Hressó sem reyndist nú ekki alveg nógu hressó! Þá var ákveðið að rölta niður á Apótek þar sem ung stúlka, Ása tromp eins og ég kýs að kalla hana, vinnur part-time-job. Þar sem hún náttla þekkti allt starfsfólkið þarna var Veigar einnig á staðnum þeim og fórum við enn hressari út af Apótekinu en þegar við fórum úr partýinu. En við vorum hverngi nærri hætt...! Stefnan var tekin á Ara í Ögri þar sem félgi okkar Ásu var duglegur að gefa okkur "olnbogaskot" (ekki alveg viss á stafsetningunni). Svo þegar litið var í gegnum móðu Veigars glitti í tvo bekkjarfélaga úr grunnskóla og fleiri félaga úr grunnskóla! Mikið fjör að hitta þá og þvílíkir endurfundir!!! Jæja en hressleikinn tók sinn toll af orku svo það var aðeins farið að slökkna á okkur ákváðum við að gá hvort liðið sem eftir var í partýi væri komið niður í bæ. Nei nei liðið var enn í partýinu... jæja ekkert verra og við skunduðum aftur í partý. Á leiðinni var hin gómsætasta pizza og já... þá var mín bara alveg búin á því! Prinsinn á hvíta hestinum gerðist svo góður að stíga upp úr veikindum sínum örskamma stund fyrir lafði lokkaprúð sína og færði hana á baunina (eins og prinsessan á bauninni) og leiddi hana svo loks inn í draumaheiminn.
Já þannig hljómaði söngur sá...

Köttur úti í mýri
setti upp á sig stýri
úti er ævintýri...
Sé ykkur síðar:)

Það er líf!

2005-03-17T11:32:00.000Z

Já já ég er enn á lífi þó ég hafi ekki bloggað frá því 9.febrúar! Ég hef nú kannski ekki neina góða ástæðu í þetta sinn því ég hef verið löt í skólanum og eiginlega ekki gert neitt af viti!!! En ég held samt að það sem dró snögglega úr bloggþörf minni hér var að það er orðið "stöðugra samband" við vinina núna, þeir skilja sem vita af hverju ég set gæsalappir. Jamm, við erum orðin miklu duglegri, vinahópurinn úr MR, að hittast og "spjalla" saman reglulega. Sem er bara fínt og algjört æði ;) Við fórum meira að segja á skíði nokkur um daginn, það var líka æði. Varð samt fyrir smá vonbrigðum með Kónginn, nýju stólalyftuna í Bláfjöllum. Jú jú maður fer hratt upp, hærra upp og það komast fleiri í einn stól EN þessir blessuðu kláfar a.k.a kofar á vírnum eru bara til vandræða!!! Já það er svo erfitt að komast í þá og úr að það þurfti að stoppa lyftuna næstum í hvert einasta skipti sem einhver vogaði sér í þá. Samt mjög gott fyrir þá sem treysta sér ekki í stólinn. Þó það væru bara 4 kofar á vírnum þá fannst mér eins og lyftan stoppaði í hverri einustu ferð sem ég fór upp!!! En samt gaman. Úr nöldrinu...
Já það er sko gaman í tónlistinni núna! Kvintettinn alveg kominn á fullt aftur og "better than ever"! Já það er svo gaman að Jói heldur ekki aftur af sér og hringir á hverjum degi, oftar en einu sinni á dag, til að spurja hvort við getum haft æfingu um kvöldið. Ég myndi sennilega láta eins og Jói ef ég bara væri ekki svona mikið að reyna að halda aftur af mér!!! OG svo hef ég ákveðið að kaupa mér hljóðfæri frá BNA sökum þess hversu lágt gengið er. Já ég er að vinna í þessu ;)
En jæja... þó ég hafi ekkert að gera (er í eyðu í skólanum en gleymdi öllum lesbókum heima) þá held ég að ég láti þetta bara gott heita! Hef voða lítið að segja!
Ég lofa ekki annarri færslu alveg í bráð... það gæti liðið annar mánuður áður en þið heyrið í mér aftur! Kannski verð ég duglegri í sumar? Hver veit?
Sé ykkur síðar, bæjó!

Nýtt útlit!

2005-02-09T16:00:00.000Z

Já það er einhver bylgja að ganga yfir og fólk svona að fá sér nýtt "lúkk" á síðuna sína.... kannski er það bara vorið í loftinu eða eitthvað? Ég alla vega sá alveg ástæðu til að gera slíkt hið sama og hressa aðeins upp á síðuna mína! Vona að fólk eigi eftir að taka vel í þessar breytingar :)
Annars hef ég ekki bloggað lengi lengi!!! Og hef ég mínar ástæður og tel ég þær bara nokkuð góðar. Ég er búin að vera mega-dugleg í skólanum allt frá því við komum heim frá París. Hef jafnvel ekki sést heima hjá mér heilu og hálfu dagana því ég hef nýtt mér námsaðstöðu niðri í skóla undanfarið og hefur það gefist svo vel að ég held ég leggi þetta bara í vana minn! Þrátt fyrir óánægju foreldra minna! En svo hef ég heldur ekki haft neitt svakalega mikið að segja undanfarið... og ekki séð ástæðu til að eyða mínum annars dýrmæta tíma í að reyna að finna eitthvað sniðugt að segja! Þrátt fyrir annríkið og þennan mikla dugnað sem yfir mig hefur komið síðustu vikurnar á ég mér nú enn líf og sannaðist það best um síðustu helgi þegar blásið var til hátíðar í umhverfis- og byggingarverkfræðiskor. Tilefni hátíðarinnar var að fagna kennurunum og bar hátíðin nafnið Kennarafagnaður 2004... jájá ég er ekkert að rugla þetta var kennarafagnaðurinn 2004 því að honum hafði verið frestað þar til um síðustu helgi! Þetta var hin allra skemmtilegasta hátíð og gleðin mikil við völd. Það eru nokkuð hreinar línur að ég mun stunda þessa hátíð á mínum ókomnu árum í verkfræðinni. Þessir kennarar eru hreinasta snilld! En jæja... þar sem allt linka safnið mitt datt út við þessa andlitslyftingu síðunnar hef ég ákveðið að segja þetta gott af blaðri frá mér og snúa mér að því að laga linkana!
Hafið það gott... nær og fjær.
Bæjó

Komin heim... á klakann!

2005-01-26T16:07:00.000Z

Jebb við erum komin heim úr mjög vel heppnaðri Parísarferð. Ég varð nú svolítið svekkt þegar ég sá að snjórinn var farinn af klakanum.... en París bætti upp fyrir það ;)
Við náðum að gera alveg ótrúlega mikið á þessum stutta tíma... ég gæti nú jafnvel sett inn nokkra punkta! Já ætli ég geri það ekki bara?

-> Föstudagur
Vöknuðum um miðja nótt og fórum út á völl. Sváfum í vélinni.. næstum alla leið. Vöknuðum glöð og kát lent í París. Tókum lest niður að Notre Dame og röltum í íbúðina hennar Söru sem var svo góð að leyfa okkur að vera hjá sér alla helgina. Þegar í íbúðina var komið var pakkað örlítið upp úr töskunum. Svo fór Sarah með okkur að kaupa helgar-pass í Metro og sýndi okkur fornleyfarnar undir Notre Dame. Svo fór hún heim og við skoðuðum Notre Dame og fórum upp í turninn. Þegar það var búið fórum við í Pompidou safnið sem er nýlistasafn Frakka. Það var bara alveg ótrúlega gaman. Svo röltum við aftur heim í íbúðina. Um kvöldið bauð Sarah okkur út að borða á einhvern pínku lítinn og kósý veitingastað. Svo var haldið heim að sofa.

-> Laugardagur.
Vöknuðum nú ekki eins snemma og við ætluðum okkur en það kom ekki að sök. Við fengum upplýsingar hjá Söru hvernig við gætum tekið strætó að Eiffel-turninum. Hoppuð upp í strætó og biðum svo í þrjú korter eftir því að komast upp í turninn! En viti menn... efsta hæðin var lokuð!!! En við fengum okkur heitt kakó og vöfflu svona í sárabætur á miðhæðinni. Það var nú ekkert slæmt útsýnið þaðan en við eigum toppinn samt eftir. Svo fórum við þaðan og löbbuðum að Sigurboganum sem var bara eins og á öllum myndum. Því næst var það Louvre. Það var ótrúlega gaman. Sáum Monu Lisu og fullt af flottu dóti! Gleymdum okkur alveg inni á Louvre og vorum komin inn í einhvern ranghalan þegar það var tilkynnt að það væri 15min. í lokun! Svo fórum við út að borða og settumst svo á pubinn.

-> Sunnudagur.
Vöknuðum nú ekkert sérlega snemma þennan daginn heldur. Komum okkur þó af stað á endanum og ferðinni var heitið í vísindasafnið. Það stóð nú ekki alveg undir væntingum enda eiginlega allt bara á frönsku! En þetta var samt alveg hreint ágætt... eyddum samt kannski aðeins of miklum tíma þar. Svo fórum við á Montmarte hæðina og skoðuðum Sacré Cæur sem var æði. Við fengum alveg rosalega gott veður þarna uppi á hæðinni og útsýnið var rosalega flott! Settumst svo inn á veitingastað og fengum okkur í goggin og fylgdumst með teiknurunum í listamannahverfinu teikna andlit ferðamannanna. Svo fórum við niður í bæ með Metró og ætuðum í siglingu á Signu en það var engin umferð á ánni svo við héldum að það væri ekki siglt á sunnudögum. Þá löbbuðum við bara að Pantheon sem er risastórt grafhýsi. Og svo vorum við nú bara alveg búin og fórum heim í háttinn.

-> Mánudagur.
Nú var vaknað snemma enda þurftum við að ná flugvélinni heim. Allt gekk eins og í sögu á leiðinni frá miðborg Parísar og heim til Íslands. Verst að snjórinn var farinn!

Ef einhverja langar að sjá myndir úr ferðinni get ég gefið þeim slóð inná myndasafnið... vil ekki alveg henda slóðinni sí svona út á veraldarvefinn.
Annars er bara rosalega gott að vera komin heim og allt að komast í sína réttu rútínu ;) Þó að ég hefði alveg verið til í að vera þarna í margar vikur í viðbót!!!
En nú er ég farin í bili... sjáumst

9 tímar og 10 mínútur

2005-01-20T22:39:00.000Z

Hvað segir þessi fyrirsögn ykkur? Jú einmitt það að þið verðið laus við mig úr landi eftir nákvæmlega þennan tíma (gefið að það verði engin seinkun á fluginu) þegar þessi bloggbútur er ritaður. Nánast allt tilbúið til að fara ofan í tösku. Upplýsingaöflunin sem fram fór á hinu gríðarstóra veraldarneti síðustu daga auk nokkurra mínútna sem fóru í það að skoða kort af borginni ættu að skila ágætis árangri í menningaleiðangrinum mikla til hinnar fögru borgar þar sem íbúar hafa sérlega litla þjónustulund (skv. Fréttablaðinu í dag). Jáh og þar sem ég hef nú lítið hitt minn ástkæra í vikunni sökum annríkis okkar beggja hef ég prentað út helstu upplýsingar um allt það markverðasta sem hægt er að skoða og útbúið einskonar ferðabækling fyrir hann að skoða í flugvélinni á leiðinni út (ef hann sefur ekki). Þá ættum við að geta valið það sem okkur langar helst að skoða. Ef hann sefur og les ekki bæklingin vel ég bara það sem við viljum skoða!!! Nei ætli hann viti ekki nokkurn veginn hvað hann langar til að sjá? En í alvöru talað held ég að ég hafi aldrei verið eins skipulögð fyrir neitt alla mína ævi eins og nú. Þó að það sé ekkert tímaplan þá er ég búin að tékka hvaða strætó og metró er best að taka til þess að komast hitt og þetta og hvenær hitt og þetta er opið og svoleiðis. Þetta verður æði sama hvernig það fer... nema kannski veðrið!
En jæja ekkert hangs! Verð að klára að pakka... sí jú on mondei!

Gleðilegt nýtt ár og alles!

2005-01-10T16:30:00.000Z

Jebb gleðilegt nýtt ár öll... og takk fyrir það gamla ;)
Það nýja byrjar sko ekki leiðinlega! Búin að mæta í 2 6-Y partý og skemmti mér konunglega í báðum. Hitti nokkra vel valda vini og spilaði Pictionary (sem ég sökkaði feitt í! Skil ekki alveg hvernig það gat gerst!). Og svo er skólinn bara byrjaður og mér er talin trú um að 2. misseri sé mun skemmtilegra heldur en það fyrsta, held í vonina! Og svo er það rúsínan í pylsuendanum!!! Ég er á leiðinni til....

Já já ég er bara á leiðinni til Parísar! Ég get nú varla sagt að mér finnist það neitt leiðinlegt! Ég er orðin eins og leiðinlegasti kennari við Sigga að segja honum að klára Da Vinci lykilinn áður en við förum, annars á ég eftir að kjafta frá öllu og hann fær enga ánægju út úr því lesa bókina! Vá hvað ég get tapað mér í að gera ferðaáætlanir og svoleiðis. Ég er búin að skoða nokkuð vel kort af París og er alveg sannfærð um að við getum leikandi notað Metro og RER (hraðlestina) því ég er farin að hallast að því að strætisvagnakerfið í Reykjavík sé eins flókið og það mögulega gæti verið.... það var alla vega ekkert mál að nota strætó í Köben og við tókum lest út á Kastrup eins og ekkert væri. Það er bara Reykjavík sem er svona snúin! But anyways... ég er orðin ansi spennt enda alveg bara örstutt þar til við förum! Verðum nú ekki lengi, bara svona langa helgi, förum út snemma á föstudagsmorgni og komum heim um miðjan dag á mánudegi ;) Ooooo hvað það verður gaman. Heilsa upp á Monu Lisu og svona!

Annars líst mér bara vel á þetta allt... komið árið 2005 og engin ástæða til annars en að vera bjartsýnn... það er alla vega ekki kominn heimsendir ennþá :D
En jæja ég ætla að fara að hætta þessu bulli... hef nóg annað að gera!!!!
Hafið það gott... hvar sem þið eruð, verðið eða vilduð vera!
Sí jú gæs :)

Áramót

2004-12-31T15:26:00.000Z

Gleðilega hátíð öll sömul!

Ég hef ekkert nennt að blogga neitt undanfarið enda bara leyft mér að liggja í leti ;) En það er enn einu sinni komið að áramótum og maður verður sífellt eldri og eldri... verður orðið gamalmenni áður en maður veit af!!!
Annars hef ég nú svosem ekkert að segja! Nema kannski:
Gangið hægt um gleðinnar dyr í kvöld, notið hlífðargleraugun þegar þið skjótið flugeldunum og verið góð hvert við annað.
Ég sé svo 6-Y hressann og kátann á morgun... sparið ykkur í kvöld og ekki vera alveg ónýt á morgun!!! Ykkur hin sé ég vonandi sem allra fyrst á nýju og fínu ári... hafið það gott og heyrumst síðar....

Gleðilegt ár!

Búin en samt ekki nærri því búin!

2004-12-22T13:06:00.000Z

Jebb... ég er búin í prófunum sem er gott en ég á eftir að kaupa allar jólagjafir nema eina! Þetta verður strembinn dagur. Ég er samt svona búin að vera að velta fyrir mér hvað ég get keypt handa liðinu... veit ekkert hvað ég á að gera!!! Vona samt að mér takist að klára þetta í dag.
En heyriði 6.Y-ingar! Ekki voruð þið svo sniðug að geyma e-mail listann sem ég sendi ykkur fyrr í vetur? Ég nebbla veit ekkert hvað ég gerði við minn!!!! Hversu slæmt er það? Þarf alla vega að fara að senda út póst á þetta lið nema að þið viljið taka það að ykkur... og að redda partýi? Við verðum alla vega að ákveða eitthvað... þó það væri ekki nema bara að hittast á kaffihúsi (þó ég kjósi nú frekar partý!). En já ef við færum á kaffihús gætum við boðið Kristínu með okkur og hún gæti sagt okkur nýjustu stubba-sögurnar!!!!
En jæja... nú er það jólagjafaleiðangur! Heyrumst síðar!
Bæbb

Nú skal sko mass´etta!

2004-12-13T17:36:00.000Z

Jebb... ég er að fara í stærðfræðigreiningarpróf á morgun... ég held ég sé nú orðin svona nokkuð "seif" á fyrri hlutanum... gæti sennilega gert eitthvað í seinni hlutanum eins og staðan er núna en ég hef samt allt kvöldið og fyrir hádegi á morgun til stefnu svo ég er bara óvenju bjartsýn miðað við að vera að fara í stærðfræðipróf!!! Eðlisfræðiprófið gekk ekkert alltof vel... samt bara svona eins og við var að búast! Það býr eitthvað svona "karma" í mér! Þegar ég er að lesa eðlisfræðina þá er þetta allt svo augljóst og mjög skiljanlegt. Ég get reiknað dæmin þegar ég er heima hjá mér en þegar ég kem í próf.... ó nei Stína mín! Ég fer gjörsamlega í flækju á svona eðlisfræðiprófum!!!! Og ekki verður það neitt skárra þegar prófið er langt og ég þarf að flýta mér! En ég vona að ég nái samt... nenni ekki að berjast við þetta karma oftar en ég þarf!
En já eftir prófið á morgun á ég bara 2 próf eftir (sem sagt... ég á ennþá 3 eftir!). Það verður yndislegt að klára prófið á morgun því þá eru bara skemmtileg próf eftir ;) Og svo koma jólin bara! Þetta verða samt eitthvað aðeins öðruvísi jól en venjulega. Bróðir minn verður að vinna... í Brasilíu og mo&pa hafa ákveðið að vera ekki með hamborgarahrygginn þetta árið... sennilega verður kalkúnn eða jafnvel bara piparsteik, bæði mjög gott svo ekki kvarta ég!
En jamm... það verður kannski frekar lítið úr lestri í kvöld ef ég held áfram að blaðra hér því ég gæti örugglega skrifað langann langann pistil um akkúrat ekki neitt þessa stundina!!!
En ef ég heyri ekki í ykkur fyrir jól....
Gleðileg Jól
Hafið það gott og borðið yfir ykkur... ;)
Sjáumst...

P.s. 6-Y verður að fara setja partýstemmninguna af stað... hvað segiði um partý 2. í jólum? Hver vill halda?

Jólaprófablogg!

2004-12-09T13:53:00.000Z

Jebb það er komið að því... jólaprófin eru hafin! Ég fer nú reyndar ekki í fyrsta prófið mitt fyrr en á laugardaginn en undirbúningur stendur yfir. Ég er samt eitthvað voða róleg í tíðinni eins og oft áður.... kannski er það að ég er svo mikið að reyna að yfirbuga stressið, slaka á og ekkert óþarfa stress að ég hreynlega læri voðalega lítið... enda myndi það auka stressið verulega!!!! Nei ég segi svona. En þetta er samt alveg hætt að vera sniðugt þetta með mig og próf. Ég held ég verði að fara að leita hjálpar... eftir próf... hef ekki tíma í það núna. Reyni frekar bara að gera þetta sjálf núna, fylgja öllum þeim reglum sem prófstressaðir eiga að fylgja og hætta þá að blogga núna! Annars lyfti ég mér örlítið upp í gær... spilaði á fyrirbæri sem ég myndi kalla músíkfund af gömlum vana en kallast víst Miðsvetrartónleikar. Það tókst vonum framar þar sem ég hélt ég gæti ekki komið frá mér einum einasta tón vegna varaþurrkst og eymslum í vörum. Ég ákvað að taka þetta bara "on the safe site" og reyna ekki við einhverjar óþarfa gloríur. Það skilaði sér... ég komst í gegnum verkið stóráfallalaust en það var nú samt ekki upp á marga fiska??? En eftir að ég hafði lokið lúðraþyt mínum á sal Tónlistarskólans í Reykjavík hélt ég niður í sal Ráðhúss Reykjavíkur og hlustaði á glimrandi góða jólatónleika með Stórsveit Reykjavíkur. Það var afar ánægjulegt og hressandi í skammdeginu :) Svo fór ég bara heim að sofa... það var líka afar ánægjulegt í skammdeginu! Svo var vaknað tiltölulega snemma í morgun og bækurnar opnaðar. Og nú er pásan mín frá bókunum búin svo ég verð að kveðja að sinni. Við heyrumst vonandi aftur fyrir jól. Set samt inn smá svona jólastemmningu fyrir ykkur og augun ykkar ;) Hafið það gott... bæjó! (Spæjó!)

Hvað er ég að spá???

2004-12-02T01:58:00.000Z

Já hvað er ég að spá? Ég bara spyr! Klukkan er orðin 1 eftir miðnætti og ég er eitthvað að asnast við að blogga! Af hverju er ég ekki að spara mína dýrmætu orku til morgun dagsins og af hverju er ég ekki farin að sofa, hlaða batteríin? En yfir höfuð hvað er ég barasta að gera á fótum svona seint? Æ þetta er nú kannski ekki svo seint. En það verður að teljast svoldið seint þegar ég hef ekki verið að gera neitt af viti síðustu klukkutímana, er drulluþreytt og hefði auðveldlega getað sofnað fyrir löngu síðan!
Ég held samt hvað það er sem "heldur fyrir mér vöku". Í fyrsta lagi vorum við að klára jarðfræðiverkefnið í dag og það var rosalega gott að ná því loksins. Var orðin svona svoldið pirruð á þessu... þetta gekk svo hægt. En svo er það hitt ég get hugsað endalaust mikið um það hvað ég ætti að vera gera en geri ekki. Svona eins og hvað ég gæti verið að læra, það eru nú ekki nema 10 dagar í fyrsta próf!!! Kannski er eitt í viðbót sem er að hrjá mig núna. Ég get hlustað endalaust á þetta kvintett stykki sem við erum að fara að spila því nú er ég komin með nótur af því!!! Er reyndar ekki ennþá farin að prófa að spila það sjálf en það gerist fljótt! En jæja... já jæja! Ég held ég þurfi ekki að segja meira.... ég er farin að sofa... loksins!
Hafið það gott og gangi ykkur vel í prófunum :)

MR-ingar til Mexíkó!

2004-11-28T13:11:00.000Z

Jamm ég gleymdi að nefna það hérna í síðustu færslu að ég fór inn á http://framtidin.mr.is í síðustu viku og datt þar inn á umræðuvef um 5.bekkjarferðina. Ég mæli nú bara með því að fólk lesi það frá upphafi til enda... mjög svona hvað á maður að segja... æ þið verðið bara að lesa það sjálf til að fatta hvað ég er að fara! En svona til að setja ykkur inn í málið þá var víst kosið um að fara til Krítar, Slóveníu og Mexíkó. Krít var víst ódýrasti kosturinn, einhver 70.000 kall og sami pakki og við fórum í. Í Mexíkó er allt innifalið.... 5 stjörnu hótel með mat og drykk allan tímann og kostar þetta aðeins 140.000kallinn!!! Já á umræðuvefnum eru miklar rökræður um það hvor kosturinn yrði ódýrar eftir allt... Krít eða Mexíkó??? Jú fólk vill kannski fara í einhverjar skoðunarferðir og verður kannski svoldið þreytt að borða alltaf á þessum sömu þremur veitingarstöðum á hótelinu í 2 vikur??? Að þurfa alltaf að borða úti og langt niður í bæ á Krít kostar líka sitt... og samkvæmt ræðumönnum á umræðuvefnum gæti upphaldskosnaður á Krít farið upp í 70.000kr. og þá er orðið jafn dýrt að fara til Mexíkó sem á að vera miklu meira spennandi.
Spennandi að fylgjast með þessu og skemmtilegt að lesa þessa umræðu... hvorugir ná að gera nógu vel grein fyrir máli sínu eða vilja ekki hlusta á það sem hinn var að segja og snúa út úr!!! Ótrúlega fyndið allt... Smá svona menntaskólastemmning ;)
Tékkið endilega á því...
Annars var það ekki fleira! Heyrumst bara síðar...
bæbb

Jólaskapið!

2004-11-27T16:27:00.000Z

Jæja hvað er títt? Það er gott að hafa þráðlaust internet heima hjá sér þegar maður sparkar óvart svo fast í stól að maður getur ekki gert neitt annað en að leggjast upp í sófa að vorkenna sjálfum sér! Vá þetta var svoldið löng setning!!!
Það er nú svona hitt og þetta búið að gerast síðan síðast. Til dæmis fór ég í Thanksgiving matarboð á fimmtudaginn. Það var æðislegt og algjörlega eins mikið ekta og ég gat ímyndað mér! Allt eins og í sjónvarpinu, kalkúnn með ljúffengri stuffing, æðislega gott sweet potato-pie, trönuberjasósa og bara allt. Ég held ég geti sagt það fyrir víst að ég var ekki sú eina sem borðaði yfir mig af þessum veislumat... þetta var ótrúlega gott!
Ég ákvað að skrá mig í vísó sem var í gær en til þess að komast í hana þurfti ég að biðja Hring um að skipta við mig um tíma uppi í tónó. Það var ekkert mál en þar sem ég var nú ekkert með neitt svakalega mikið að æfa þessa vikuna ætluðum við Ásgeir að slútta tímanum með því að spila nokkra dúetta. Þegar Geiri er frammi á gangi að leita að dúettunum (sem hann btw fann ekki) birtist Hringur og við ákveðum að taka bara svona eins og eitt tríó. Vá hvað það var gaman... þetta var svona hálf-modernískt tríó með alls konar talningar challenge og vá það var bara rosalega gaman... svo gaman að ég missti af rútunni í vísó og endaði á því að fara keyrandi niður í Eimskip. Hitti Sigga niðri á höfn þar sem hann átti að fara að vinna (hjá Eimskip) og hann sagðist ætla að koma þegar hann væri búin í vinnunni. Ég sé hvar rútan kemur og elti mannskapinn inn. Stuttu seinna birtist Siggi aftur! Jebb hann var barasta kominn í vísó... heyrðu þá hafði hann víst verið látinn vita um morguninn (þegar hann var ekki alveg vaknaður) að hann þyrfti ekkert að vinna. Hjá Eimskip voru góðar veitingar og barasta fínasta fjör. Þá var haldið niður á Pravda og horft á Idolið og sötraður bjór. Svo var ég þar bara nánast það sem eftir var kvöldsins... og var allt í einu orðin "barnapía"... var ekkert alltof sátt við það en það reddaðist. Djammið fór semsagt aðeins út um þúfur við það að vera "barnapía" en annars barasta alveg ágætt. Ég meina þegar maður hefur varla djammað í hálft ár er það nú barasta fín tilbreyting allt í einu að rifja upp gamla og góða daga með bakkusi :)
En jæja.... jólaskapið er alveg að hellast yfir mig þessa stundina! Langar í alvörunni að fara að ryksuga og baka og svoleðis! Kannski ég láti bara verða að því? Eða ég fari bara að læra? Æ við sjáum til...
En jæja ég held ég sé búin að jafna mig í tánni eftir stólasparkið áðan og geti farið að labba um aftur svo það er bara komið að kveðjustund.
Hafið það gott og ekki gera eitthvað sem ég myndi ekki gera!!!
Bæjó

P.s. óska Jóa innilega til hamingju með árangurinn úti í France :)

Jólasnjór?

2004-11-17T09:48:00.000Z

Já ég vona það svo sannalega að þessi snjór eigi eftir að duga fram að jólum... eða alla vega að jörðin haldist hvít þar til þá! En ef ekki held ég barasta að ég leyfi mér að fara í smá jólaskap núna.... ég er hvort eð er í prófum fram til 21. des svo ég get alveg eins tekið smá út af jólunum núna áður en ég sekk mér alveg á bólandi kaf í jólapróf!
Þetta er yndisleg! Ég elska snjó! Snjórinn og ég ;)
En ég held að það elski ekki allir snjóinn jafn mikið og ég... síminn minn er þykjustu-dauður! Jebb hann vildi ekki opna augun í morgun og hefur ekki enn opnað þau! Ég hef lent í þessu áður en það hefur alltaf lagast um leið og ég fikta eitthvað í honum en núna vill hann ekkert með mig hafa!!! Málið er það að það er kveikt á honum og hann virkar sennilega að öllu leyti nema því að skjárinn sýnir ekkert! Ég gat hringt heim í morgun (þó að það hafi ekki sést á skjánum að ég hafi verið að hringja) og svo gat ég kveikt og slökkt á honum en ekkert gerðist! Ég held ég fari bara upp í símabúð á eftir og heimti nýjann!!! Hann er ekki einu sinni orðinn ársgamall þessi sími!!! Svo keypti Siggi sér alveg eins síma í sumar og skjárinn á símanum hans hefur alltaf verið mun betri.... miklu skýrari myndir og alles! Hann er örugglega eitthvað gallaður þessi sem ég á!
En að öðru... ég fann vettlingana mína aftur áðan! Mikið er ég glöð! Við erum sko að tala um skrýtnu vettlingana... þessa bleiku, brúinu, appelsínugulu og fjólubláu sem eru eins og broddgeltir! Ég gleymdi þeim einhvern tíman í haust í háskólabíói að ég hélt en hafði ekkert gert til þess að reyna að leita þá uppi... þurfti svosem ekkert svo mikið á þeim að halda fyrr en nú, en samt saknaði ég þeirra sárt. Svo fór ég niður í matsölu stúdenta í háskólabíó áðan... ætlaði að kaupa mér eina kókó-mjólk og sé þessa rosalegu röð, á klink svo ég ákveð að troða mér framfyrir í röðinni!!! Næ mér í kókó-mjólk og lendi einhvern veginn á bakvið búðaborðið vegna mannfjöldans inni í þessari litlu matsölu og rek þá augun í eitthvað kunnulegt sem liggur eitt og einmana í stórum kassa.... OG viti menn? Voru þetta ekki bara mínir ástkæru vettlingar??? Jújú ég er nú hrædd um það! Ég var svo glöð að ég teygði mig ofan í kassann eftir vettlingunum og geðshræringu minni gleymdi ég að borga fyrir kókó-mjólkina!!!! (Nei samt ekki.... gerir söguna bara ennþá meira krassandi ;) ) En nú er ég líka staðráðin í að passa vel upp á vettlingana mína.... því ég týndi vettlingunum hans pabba líka um daginn niðri í háskóla! Er ekki ennþá búin að segja honum það og er bara að spá í að kaupa bara nýja handa honum... enda voru það svo sem ekkert merkilegir vettlingar, bara svartir flísvettlingar! Skrepp í Byko eða eitthvað á eftir til þess að redda þessu fyrir kallinn.
En jæja ég veit ekki hvaðan þessi ritræpa kom... en hún dugði aldeilis vel í eina bloggfærslu að þessu sinni! Ég held að kvótinn sé samt búinn í dag.
Hafið það gott nær og fjær.... og gleðilegan jólasnjó :)
Bless í bili

(P.s. ég borgaði kókó-mjólkina ef þið voruð ekki búin að átta ykkur á því!)

Nýir linkar!

2004-11-10T18:33:00.000Z

Jebb mín gerðist bara dugleg og uppfærði bloggaralistann hér til hliðar ------->
Kannski ekki bara nýir linkar því þetta eru líka gamlir linkar sem ég var ekki búin að setja inn... fyrr en nú! En athugið að hún Rut er farin að blogga! Gaman að því ;)
Ég sá fram á að þessi vefsíða sem ég er búin að lofa svo lengi sé ekkert á leiðinni alveg á næstunni! Kannski ég dundi mér bara við það á milli jóla og nýárs. Ég á alla vega ekki von á að ég fái neina vinnu í jólafríinu sökum þess að ég er ekki búin í skólanum fyrr en 21.des!
En jæja ég ætla nú ekki að blaðra eitthvað mikið núna... hef víst nóg annað að gera!
Sí jú leiter!
Bæjó

Lítið sem ekkert!

2004-11-05T13:06:00.000Z

Jebb... ég held ég hafi svo sem eiginlega ekki neitt að segja núna! Skólinn bara alltaf á fullu og stoppar aldrei en það sama er nú ekki hægt að segja um mig! Ég er búin að vera svo slöpp eitthvað síðustu vikuna... og stefnir í vikurnar! Ég hef ekki getað vakað í öllum tímum dagsins eins og mér hafði tekist svo vel hingað til og þetta er bara allt á hraðri niðurleið hjá mér og þykir mér það afar miður! Ég hef meira að segja skroppið í nærliggjandi hús í götum mínum og skriðið undir sæng! Og já kannski náð einhverjum klukkutíma svefn í hvert skipti sem dugir þó skammt... en þó til að lifa af skóladaginn! Mamma keypti einhverja sport-þrennu um daginn því það var einhver sem lofaði henni því að hún yrði eins spræk og ég veit ekki hvað... hún hætti þó snarlega við að taka þrennunna þegar hún sá hversu strórar töflurnar eru og þegar hún fattaði að ein af þessum stóru stóru töflum var lýsisperla!!! Það er nebbla eins með mig og mömmu að við kúgumst og kúgumst þegar við sjáum þennan viðbjóð! En já nú er ég kannski komin örlítið út fyrir efnið því að það sem ég ætlaði að segja var að þar sem þessi sport-þrennu pakki stendur óopinn inni í skáp stendur mér til boða að nota hann að vild! Ég veit ekki hvort það eigi eitthvað eftir að gerast? Ég meina ég á engar góðar minningar um lýsi og lýsi er bara ógeðslegt! Svo hef ég líka frekar litla trú á svona vitamínum í töfluformi! Ég trúi því að maður eigi bara að borða hollan og góðan mat og þá þarf maður engar áhyggjur að hafa varðandi auka inntöku á vitamínum! En það er sennilega bara mín speki... vona bara að hún komi mér ekki í koll!
En jæja þá er að hrista af sér slenið og berjast fyrir lífi sínu í dæmatíma í Línulegri algebru og hnitarúmfræði!
Sí jú leiter gæs!

Ótrúlegt en satt!

2004-10-24T14:29:00.000Z

Já það er ótrúlegt en satt að það er ennþá til fólk í þessum stóra heimi sem les bloggið! Mér barst alla vega svona "þakkarorð" fyrir síðasta blogg :) Og viti menn þetta hafði slík áhrif að ég er farin að blogga aftur, í annað sinn í þessari viku!!! Já sá aðili sem var svona kátur með síðasta blogg hefur nú sjálfur heldur betur snúið við blaðinu á blogginu sínu og kom með krassandi sögu úr dagsins amstri, jah krassandi eða ekki krassandi? Þetta er alla vega allt í rétta átt skulum við segja!
Eiginlega eina ástæðan fyrir því að ég blogga núna er að ég var að klára heimadæmin mín í Línulegri algebru og rúmfræði sem mér þykir mikil gleði tíðindi. Reyndar á ég eftir að hreinrita þau en það mun nú ekki taka svo langan tíma.
Verst að maður þarf að sitja inni í þessu rosalega fallega veðri og læra, væri alveg til í að skreppa í göngutúr núna, eða jafnvel..... æ ég veit ekki alveg en þetta er alveg ekta skíðaveður... NEMA það vantar snjó!!! Úff en ef það væri snjór þá hefði ég örugglega bara gefið skít í öll heimadæmi og væri á skíðum, það kæmi sér nú ekki vel fyrir lærdóminn svo það er kannski bara gott að það sé enginn snjór!
En jæja... ég held að þetta sé komið nóg af bulli núna og ég ætti að fara að hreinrita heimadæmin og koma mér svo í næsta skammt af heimadæmum þar sem það verður langur skóladagur á morgun!
Hafið það gott og farið vel með ykkur, sjáumst síðar.... hress og kát.
Bæjó

Jáh!

2004-10-21T18:49:00.000Z

Jáh það má með sanni segja að það sé hreinlega með eindæmum hversu bagalegur þankaritari ég er orðin! Þetta hefur nú varla gerst í háa herrans tíð að ég bloggi ekki í langan, langan, langan tíma (fyrir utan í sumar þegar ég var náttúrulega löglega afsökuð í þeim efnum)... ég man nú bara eftir einni góðri bloggpásu alla mína bloggtíð... það var í jólaprófunum í fyrra þegar ég var tengd í gegnum upsaid og ég man að ég fékk margar áskoranir um að blogga eitthvað en ég stóðst þolraunina og bloggaði ekkert fyrr en prófin voru búin. Ég held samt að það fyrsta sem ég hafi gert eftir prófin hafi verið að blogga, bara klukkustundinni síðar! Jáh nú er öldin sko önnur! Ekki alveg eins metnaðargjörn og þá. En aftur á móti kemur að ég hef barasta verið mun duglegri við að stunda skólann, ég er alla vega farin að læra heima sem verður nú að kallast allgóðar framfarir... og vitið þið hvað? Ég held virkilega að maður uppskeri eins og maður sáir... ;) Nei svo slæmt var það nú kannski ekki alveg, þetta eru smá ýkjur en ástandið var samt mjög slæmt... ég skil varla ennþá hvernig ég fór að því að ná þessu blessaða stúdentsprófi og það var satt að segja ekkert svo hræðilegt!
En svo út frá þessum pælingum get ég sagt ykkur það að mér líkar verkfræðin alls ekki svo illa og ég held að ef mér mun ganga eins vel á jólaprófunum og ég vona að mér gangi þá eigi ég barasta eftir að útsrkifast sem umhverfis-og byggingarverkfræðingur eftir 3-3og1/2 ár. Já það væri ekki leiðinlegt! Samt er maður núna eitthvað aðeins að detta í grifju skammdegisins. Ég held að ég hafi aldrei náð að setja sama sem merki á þetta fyrr en nú, eða kannski meira svona leiðingar merki... skammdegi =>þreyta og slen! Það er farið að gerast ósjálfrátt að maður "sefur yfir sig" og leggur sig í 30 min. á daginn sem breytist síðan allt í einu í 2klst! Hef nú reyndar bara einu sinni lent í því nú síðan skammdegið fór að segja svona til sín að 30 min. breyttust í 2klst. Ég lærði af mistökunum... og þetta mun ekki koma fyrir aftur því þá er út um mig í vetur!
En jæja... ætlunin var ekki að over dose-a á blogginu heldur meira svona að láta vita að ég lifi enn, samt allt öðru lífi en fyrir ári síðan! Samt mjög gott og hamingjusamt líf sem ég lifi ef þið höfðuð einhverjar áhyggjur?
En nú er þetta barasta komið mikið meira en nóg og því kveð ég í bili og segi:
Bæbæ og hafið það gott öll nær og fjær!

Nú er allt að gerast.... ha hvar?

2004-10-02T17:50:00.000Z

Jebb hefði átt að sleppa því að monta mig svona mikið á því að ég væri byrjuð á þessari blessuðu heimasíðu! Það gengur ekkert og þegar ég skoða hana aftur finnst mér hún ekkert flott og ekkert eins og mig langar að hafa hana!!! Þannig að ég held að ég eigi eftir að rífa hana alla niður og reyna að byrja á nýrri, stærri og flottari! Ætla nú kannski að leita til einhverra fagaðila líka með þetta mál... þekki nokkra jú sí!
En annars er ég bara ekkert í neinum blogg fíling þessa dagana og nenni bara alls ekkert að blogga um daginn og veginn og svo ef það gerist eitthvað fyrir utan daginn og veginn þá er ég ekki þar, nenni ekki að skrifa um það eða það er barasta engan veginn nógu merkilegt til að komast á blogg (sbr. komast á blað!).
En jæja ákvað samt að blogga pínu á meðan ég var að bíða eftir prentaranum sem er að klára síðustu blaðsíðurnar af glósum í stærðfræðigreiningu IB. Og þá hef ég víst lítið meira að segja!
Hafið það bara gott, hvar sem þið eruð og hvað sem þið eruð að gera... passið ykkur á alkóhólinu og verið dugleg í skólanum!
Sjáumst síðar!

Nú er allt að gerast!

2004-09-21T19:13:00.000Z

Jebb... ég er byrjuð á heimasíðunni sem mun fara á háskólasvæðið mitt. Gæti tekið smá tíma en ég er byrjuð... hálfnað verk þá hafið er! Er svoldið spennt yfir þessu.... svo margt hægt að gera!!!
Sé ykkur þá bara síðar!

Letiblogg-ari?!?!

2004-09-20T16:46:00.000Z

Jamm þetta háskólalíf tekur á... ekki nennt að blogga upp á síðkastið! En það er svosem ekkert að frétta. Nema kannski bara svona leiðinlegt háskóla blogg.... Var að fara í hópavinnu (verkbók í verklegri eðlisfræði) nema hvað... ein okkar segist tefjast pínu þar sem hún var að enda við að keyra á kött og sé að bíða eftir löggunni!!! Jamm þannig að þar fór einhver hálftími/klukkutími! Annars er ekki hægt að segja annað en mér líki námið bara nokkuð vel... ótrúlegt en satt! Nenni samt ekkert að læra þrátt fyrir það! Það kemur samt kannski einhvern daginn!
Annars er ég nú bara algjörlega hugmyndasnauð... veit ekkert hvað ég að skrifa fyrir ykkur lesendur góðir að lesa! Er svona að reyna að koma háskóla vefsvæðinu mínu í gangið og þá munuð þið væntanlega geta kíkt þangað von bráðar en samt ekki alveg strax!
Æ ég er farin...
Síjú!

Smá svona byrjenda örðuleikar !!!

2004-09-06T14:58:00.000Z

Jamm hver kannast ekki við það? Jebb, mætti í tíma í dag sem ég á ekkert að mæta í fyrr en eftir viku!!! Ég sem sagt fattaði ekki alveg prógrammið sem var svo vel skipulagt í verklegri eðlisfræði. Þannig er að á dagskránni eru 4 tilraunir, maður á að mæta aðra hverja viku og framkvæma eina tilraun í senn. Nema hvað, hvert "sett" (eins og Egill myndi orða það) saman stendur af fjórum hópum, ABCD, og mæta sem sagt alltaf tveir hópar í hvert skipti til að framkvæma sína tilraun. Það versta var að það fór alveg fram hjá mér að það eru A og C sem byrja og B og D verða ekki fyrr en í næstu viku... og þar lá hundurinn grafinn (vona að þetta sé rétt orðatiltæki hjá mér... er gjörn á að rugla þeim kjánalega eins og að segja "þetta er bara eins og belja út úr kú!"... í stað "eins og út úr kú" eða "álfur út úr hól"!!!). Ég er í hóp B!!!
En vá nú er ég búin að steypa og steypa eins og ég veit ekki hvað og ég efast um að nokkur lifandi sála skilji upp né niður í þessu öllu! En það sem mestu skiptir er að ég græddi þarna, á þessum aulaskap mínum, alveg heilan mánudagseftirmiðdag til að gera heimadæmi í stærðfræðigreiningu IB... en halló halló... hvað er ég þá að gera hér!!! Jú jú... ég ákvað að bæta mér upp tölvuskortinn um helgina og prenta út svona eins og vikuskammt af glósum í öllum fögum. Þannig að ég geri ráð fyrir því að ég sé löglega afsökuð! Svona á meðan ég bíð eftir að glósurnar skjótist út úr prentaranum!
En hvað er títt, fólkið frítt?
Hitti fólk á djamminu hægri vinstri um helgina! Fyrst var það vísindaferðir þar sem GREINILEGA var óhóflega drukkið og svo var það afmælisfest hjá einum ágætis snáða hér í borg og virtist gleðin einnig ríkja á þeim bænum... annars fyrir þá sem vilja vita þá var ég nú bara róleg alla helgina og hélt fast í bíllyklana! Við bætum úr því einhvern tíman á næstunni!
En jæja glósunum gengur vel þannig að ég fer að kveðja og segja skilið við þetta bull mitt núna. Held að ég hafi alveg misst hæfileikan til að blogga í sumar... maður er orðin svo innhverfur eftir þetta sumar!
En já jæja... Kveð ykkur í bili
Bæjó

P.s. Jói... linkurinn þinn er á leiðinni.... sem og allra hinna sem eiga eftir að fá link... svo fer ég nú vonandi bara að færa mig yfir á annað svæði... sjáum til... bæ!

Háskóli... here I come!

2004-08-31T18:52:00.000Z

Jebb búin að fara til Köben og skemmti mér alveg hreint ágætlega (ágætt er betra en gott muniði!), borðaði góðan mat og slappaði af auk þess sem við tókum einn villtann dag í Tivoli. Byrjaði í skólanum í dag og þetta lítur alveg hreint ágætlega út. Komst samt að því að ég þarf að vera að minnsta kosti 2x í viku í tónlistarskólanum svo það verður alveg mikið meira en nóg að gera... eins og fyrri daginn! Æ ég er einhvern veginn svoldið tóm svo ég held ég láti þetta bara gott heita núna og líti við einhvern tíman seinna þegar betur liggur á mér.
Heyrumst

Halló halló hvað er að gerast!

2004-08-26T00:09:00.000Z

Já já ég er að segja ykkur það að héðan í frá verður önnur hver færsla EKKI frá Búrfelli! Jamm hef lokið sumarstarfinu þetta sumarið og því komin tími á vetrarleg störf.... Skóla! En fyrst lesendur góðir er það stutt helgarferð til Kaupmannahafnar eins og traustir lesendur ættu að vera kunnugir um. Ég er svona á síðustu metrunum við að pakka... og það er bara tannburstinn sem á eftir að hoppa ofan í töskuna :) Svo þarf ég nú bara að fara að halla mér þar sem ég þarf að vakna "uper"-snemma til þess að sækja minn ástkæra úr vinnunni þar sem ég hef bíl hins áður nefnda undir höndum (jah... sé það nú reyndar ekki alveg hvernig það er hægt að vera með bíl "aktjúallí" undir höndunum!!!!). Eins og þið kannski sjáið er þreyta og svefnþorsti í bland við örlitla eftirvæntingu farið að hafa áhrif á skrif mín og alla þessa þvælu sem vellur upp úr mér!!! Því held ég að ég ætti að láta hér staðar numið og kveðja ykkur öll (eins og það sé bara allur heimurinn sem les þetta!!) og biðja ykkur vel að lifa.
Bless í bili....

P.S.: Góða ferð Elfa og gangi þér vel í Köben.... viss um að þetta sé satt með dönsku strákana, mana þig alla vega til að athuga málið vel!

P.S.S.: Eingyn ábirð tekyn á stafsstetnyngarvyllum!!!

Jájá... Búrfell vænan!

2004-08-20T22:19:00.000Z

Sælt veri fólkið! Hvað syngur svo í mannskapnum??? Sumir byrjaðir í skóla og aðrir ekki, sumir að fara að byrja í skólanum og aðrir ekki, sumir ekki alveg að fara að byrja í skólanum en það styttist þó óðum í það að þeir byrji og svo eru það þeir sem ætla bara ekkert í skóla alveg á næstunni! Pæliði í þessu... það er bara ALLT að gerast! Sumarið er brátt á enda og hvað... enginn 6-Y til að taka vel á móti manni eftir "langt og strangt" sumar! Oneinei, svoleiðis er það nú aldeilis ekki, hver að skottast í sínu horni við það sem stefnan var tekin á þegar leiðir okkar lágu fyrst saman! Úfff.... þetta er nú að verða meiri vellan hjá mér! Ég ætla ekki að kvelja ykkur meir.
Vinnan er bara að verða búin og um leið og vinnan er búin verður haldið í stutt sumarfrí til Köben og svo er það bara Háskóli Íslands sem kallar! Var að prenta út stundatöfluna mína sem ég skil ekkert í ennþá þar sem það eru ekki komnir upp hópalistar eða neitt... veit ekkert hvenær ég á að vera í skólanum... veit bara hvenær ég á ekki að vera í skólanum! En sennilega mun ég alltaf byrja kl. 8:15 sem er svosem allt í lagi en svo gæti það farið svo að ég verði ekki búin fyrr en kl. 18:50 á þriðjudögum!!! Jah... þetta kemur sennilega bara í ljós fyrr eða síðar! Annars bara orðin nokkuð spennt, búin að fá mann mér til aðstoðar við að forrita heimasíðu um leið og ég fæ eitthvað heimasvæði! Og já þetta lítur bara allt mjög vel út! En jú svo er ég kannski líka svoldið spennt fyrir Köben. Ég verð í 4 daga og ég er með alveg þétt skipað plan yfir það sem á/þarf að gera! En fyrst og fremst verður það öl på Strikið! Æ kann ekkert á þessa tölvu... ætlaði að gera svona danskt ö og alles en skil ekkert í þessu! En jæja... át yfir mig áðan og er þess vegna orðin alveg rosalega þreytt og syfjuð (meltingin að taka alla orku frá mér!) svo ég held ég skelli mér bara ofan í svefnpoka og lesi nokkrar blaðsíður í þessari draugasögu minni! Ég heyri bara í ykkur síðar, þótt síðar verði!
Hafið það gott, gangi ykkur vel í skólanum sem busar! Þið hin njótið lífsins, jú auðvitað þið líka sem eruð busar, ef þið getið!!! Sí jú, bæjó Spæjó!

Hiti&sviti!

2004-08-12T10:17:00.000Z

Jebb... ég er bara á réttum stöðum á réttum tíma! Var í sundi í Árnesi þegar hitametið var slegið þar og svo er maður kominn í bæinn þar sem það er nú aldeilis ekki leiðinlegt að vera akkúrat þessa stundina! Og ég er í fríi!!! Ligg bara úti á palli og svitna til helvítis!!! Smekklegt ekki satt! Vantar bara að skreppa til Egilsstaða og þá er ég orðin góð þetta sumarið! Annars var sko ekkert smá flott uppi á Fjallabaki í þessu veðri, Frostastaðavatn alveg spegilslétt þannig að maður sá himinn og fjöll speglast mjög fallega í vatninu... og líka þessi fjöll! Eitthvað annað en gamla gráa Esjan þó hún geti nú alveg verið ágæt greyið! Veit nú eiginlega ekkert hvað ég hafði hugsað mér að skrifa um annað en dýrlega veðrið en ég geri ráð fyrir að allmargar bloggfærslur landans eigi einmitt eftir að dásama þann sama hlut! Þá vona ég nú bara að þið hafið það gott og passið ykkur á því að brenna ekki í sólinni. Ég sé ykkur kannski einhvers staðar í sundi, hver veit? En jamm ég held ég höndli þennan hita ekkert mikið lengur svo ég fer örugglega að stinga af inn í skuggann. Sí jú gæs!

Búrfell - the place to be!

2004-07-23T20:53:00.000Z

Sælt veri fólkið! Hvernig hafið þið það? Jú jú föstudagskvöld og örugglega allir í einhverju villtu partý að drekka frá sér vit og rænu! En ég sit bara hérna við tölvuna í Búrfelli og hef einhvern veginn ekki frá neinu að segja. Jú það var geðveikt mikil rigning í dag og þá kom sér vel að hafa keypt góðan útivistar/vinnugalla í vor. Furðulegt samt að þetta er fyrsta almennilega rigningin í sumar og sumarið er rúmlega háflnað! 7-9-13... best að vera ekki með svona yfirlýsingar!
Mamma hringdi í mig í gær til þess að láta mig vita að hún væri eins langt frá mér á landinu og hún mögulega kæmist! Hvurslags eiginlega móðir á ég?!?!?! Já þau pabbi eru sem sagt bara á rúntinum um landið að leita uppi góða veðrið eins og í den. Ætli þau séu ekki bara fegin því að vera aftur orðin ung og barnlaus? Jah... setum samt smá spurningarmerki við "ung"!
Mín kemur bara snemma heim úr þessu úthaldi, við vorum nebbla að mæla til að verða 23 á þriðjudaginn svo við förum bara deginum fyrr heim... þannig að ég fæ næstum því viku í frí núna... og það er akkúrat verslunarmannahelgi :) Ef fólki langar að bjóða mér með sér í útilegu er það meira en velkomið... veit samt ekkert hvort ég þyggi boðið! Hey og já Siggi á afmæli á mánudaginn, 22 ára kappinn og ætli maður kaupi ekki eitthvað til að setja í afmælispappír? Jú og svo á Elfa Dröfn afmæli á þriðjudaginn og verður hún sömuleiðis 22 ára, stúlkan. Allt að gerast! Svona fyrirfram, ef ég skyldi gleyma að óska ykkur til hamingju á réttum degi: Til hamingju með afmælið ;)
Annars er ég bara að verða spennt að byrja í verkfræðinni. Fæ sennilega fartölvu og mun hafa það fínt. Reyndar verður þetta kannski svoldið strembið þar sem ég hyggst reyna að taka alla kúrsana á fyrstu önn ásamt því að vera í Tónó! En það getur nú varla verið verra en ég plana sjálf að hafa það! Og svo er Rakel vinkona að koma í bæinn og í háskólann, æ hvað það verður nú gaman að hitta hana oftar en venjulega! Og svo komust allir sem ég þekki sem fóru í læknisfræðiinntökuprófin inn :) Og þetta verður bara spennandi vetur, þrátt fyrir að það verði nóg að gera... og svo er það líka fríið í lok sumars sem á eftir að redda þessu alveg! Jebb Köben kallar :) Þar sem ég hef mikið meira en nógan tíma til að íhuga það sem mig lystir í vinnunni hef ég eitt talsverðum tíma einmitt að plana næsta vetur og Köben-ferðina! Þetta er kannski ekki hollt að hafa svona mikinn tíma að hugsa um allt og ekkert... ég verð orðin rosalega innhverf þegar þessu sumri lýkur! Sjáum til...
En nú er þetta að verða bara hin fínasta færsla, sennilega sú lengsta í allt sumar og ég hafði bara talsvert meira að segja frá en mig grunaði!. En tími til komin að fara að kveðja! Ég óska Drífu góðrar ferðar og megi hún fara vel með sig og skemmta sér vel á slóðum hins lítt þekkta. Óska öllum sem komust í læknisfræðina til hamingju með það. Óska öllum öðrum gleðilegrar rigningar og mana ykkur að fara út að hoppa í pollunum! Þá er komið að smá gæðastund fyrir framan imbann (slíkar stundir hafa ekki gefist of oft í sumar) og með þessum orðum kveð ég ykkur í bili... Verið þið sæl ;)

Home again!

2004-07-15T15:08:00.000Z

Jebb komin heim en hef einhvern veginn ekkert að segja! Bara þreytt og sybbin og langar að leggja mig meira! En það er sumar... vaka og vinna muniði! Jú gæti nú svosem kannski farið út í garð að hjálpa föður mínum að smíða sólpall en það er nú ekkert voðalega spennandi veður til þess að smíða sólpall! En ég held ég láti mig nú bara hafa það. Hey já og 2 partý á föstudaginn, vonandi verð ég nú eitthvað hressari þá... ef ekki þá gerist ég bara hress! E'þaggi? Held það nú!
Ég á nú reyndar eitt leyndó sem ég gæti deilt með ykkur en þar sem það er leyndó ætla ég bara að geyma það þar til síðar að deila því með ykkur! Híhí... vonandi náði ég að gera þessa færslu eitthvað smá spennandi núna!
En nú ætla ég að fara að klæða mig eitthvað pínu betur og koma mér út til hans pabba míns. Sé ykkur síðar... BÆJÓ!

Búrfell calling!

2004-07-08T20:47:00.000Z

Hæ og hó! Jebb komst í tölvu hérna í Búrfelli þar sem við laumuðum okkur inn í húsið hjá vatnamælingafólkinu til þess að komast á netið og horfa á smá sjónvarp. Við erum núna í svona noskri "hittu" fyrir þá sem vita hvað það er. Þar er rafmagn af mjög skornum skammti og varla hægt að lesa á kvöldin, gaseldavél, já og ekkert sjónvarp eða útvarp! Hef það annars bara fínt, er að njóta þess mjög að vera hérna uppi á fjöllum í góða veðrinu að skoða okkar fallega Ísland. Verst að maður er farin að ryðga í 3. bekkjar jarðfræðinni og hver er betur til þess fallinn að minna mann á það en sjálfur Guðbjartur Kristófersson (http://www.ismennt.is/not/gk/jfr/ordskyr/). Jújú.... hitti kauða á fjöllum þar sem hann var að "gæda" með túrista :) Svaka stuð! En hvað sem jarðfræðinni líður þá jafnast ekkert á við svona útsýni!
Ég er að læra á tækið sem við notum til þess að mæla og virkar þetta allt voða spennandi á mig og jafnframt frekar skerí þar sem maður ber rosalega ábyrgð að vera svona mælingamaður. Maður fær alla vega að heyra það frá fólkinu á stöngunum ef maður klúðrar einhverju. En ætli maður rúlli þessu ekki bara upp? Hef nú reyndar ekkert voðalegar áhyggjur af því að ég eigi eftir að klúðra einhverju en ég á bara eftir að vera svo lengi að öllu! En æfingin skapar meistarann svo ekki er öll von úti enn.
Ég er ekki alveg að ná því að sumarið sé bara að verða hálfnað (eða meira... hætt að fylgjast með tímanum!). Það verður örugglega svoldið sjokk að mæta í bæinn þegar maður er hættur að vinna og vera bara að byrja í Háskólanum! En ég held nú reyndar að þessi útilega um síðustu helgi hafi gert góða hluti til þess að koma í veg fyrir að sumarið yrði ekkert nema bara vinna hjá mér. Þessi líka frábæra útilega! Ohhh algjör snilld... ekkert hægt að lýsa því frekar nema kannski bara.... DAGUR BJARNASON, DAGUR BJARNASON, DAGUR BJARNASON... Þeir skilja sem vilja! Er að spá í að reyna að gera bara eitthvað um verslunarmannahelgina svona einu sinni, gæti orðið gaman og líka að fá smá meiri vott af sumrinu! En já það kemur bara í ljós þegar nær dregur, það er nú ein frí-helgi áður en versló kemur!
En jæja nóg af blaðri, bið bara rosalega vel að heilsa ykkur öllum, vona að þið hafið það gott og njótið sumarsins! See you later!

Halló Reykjavík!

2004-06-30T15:20:00.000Z

Jamm alltaf nóg að gera þegar maður kemur aftur í bæinn!!! Þarf að ná mér í nýtt debetkort, kaffihús með stelpunum, skrifa bréf til Þýskalands, klára bókina sem ég er að lesa svo ég geti byrjað á nýrri í næsta úthaldi, fara í heimsókn að skoða lítinn prins, útilega?, partý?, Keflavíkurflugvöllur! Fyrir utan allt annað sem ég á eftir að gera sem er ekki beint á dagskrá. En það fyrsta sem ég ætla að leyfa mér að gera er að fara í gott bað! Þar sem við vorum núna síðast í gistingu var svo léleg sturta að ég hef hreinlega ekki getað þvegið mér almennilega síðustu fimm daga!!! Hversu ógeðslegt er það??? Og afhverju er ég að deila því með ykkur??? Nóg um það... annar lúxus sem ég ætla að leyfa mér er að sofa út í fyrra málið :o)
Ég uppfærði pínu blogglistann minn... Finnur er aftur dottinn inn, uppfærði linkinn hans Konna og svona... ég bara nennti ekki að vesenast við meira svo það verður bara að bíða betri tíma.
Ef þið farið inn á bloggið hans Finns sjáið þið kannski að hann talar um að hann sé að keyra Toyota Hilux og virðist frekar svona stoltur... jafnvel pínu montinn??? Já ég vil nú bara segja honum það að ég keyri um á splunkunýjum Nissan Patrol á 36" dekkjum og er í jeppaleik alla daga ;o) Með splunkunýjum á ég við að þegar ég steig fyrst á bensíngjöfina (a.k.a olíugjöfina) þá var hann ekki einu sinni keyrður 200 km!!! En ég kemst aftur á móti örugglega ekki í eins góða sturtu og hann! But that is a price I´m willing to pay! (hver skyldi núna vera montin?) Júlímánuður verður sennilega bara fínn... Fjallabak nyðra, Landmannalaugar. En þá er það spurning með Placebo! Ég er eiginlega í miðju úthaldi þegar þessir blessuðu tónleikar verða og ætti því eiginlega ekki að komast... en það gæti samt verið smá smuga með hjálp góðra foreldra eða vina?!?!?! Er einhvern veginn í mun meira tövlustuði núna en síðast þegar ég kom í bæinn svo það gæti verið að ég líti við aftur áður en ég fer útúr bænum.
En ef ekki þá segi ég bara hafið það gott... hafið það bara gott hvort sem þið heyrið í mér innan fjögurra daga eður ei...
Sí jú gæs!

Ég kem af fjöllum - bókstaflega!

2004-06-17T16:01:00.000Z

Bárðadalur - Akureyri - Blönduós - Hrútafjörður - Borganes - Reykjavík... jamm ég er komin aftur í bæinn! Það er gaman að geta sagt að maður komi algjörlega af fjöllum varðandi eitthvað og meint það alveg bókstaflega! Eða þannig... var kannski ekki mikið uppi á fjöllum en þó það mikið að ég var ekkert í gsm - símasambandi. En jamm það var nebbla götugrill í götunni minni í gær og þegar ég er að fara út úr húsi þegar allt er komið í gang sé ég sem sagt að það er götugrill... ég er spurð hvort ég ætli ekki að vera með... ég segi... "ég var bara að koma af fjöllum og kem af fjöllum varðandi þetta götugrill!". Æ kannski ekkert svo fyndið! En nóg af lélegum bröndurum sem eru engan veginn viðeigandi í siðmenningu Reykjavíkurborgar! Gleðilegan þjóðhátíðardag! 17. júní bara gengin í garð með tilheyrandi veisluhöldum í miðborg Reykjavíkur... Er samt svo löt, nenni ekki að kíkja út úr húsi... sit bara uppi í sófa með fartölvuna og sængina mína, horfi á leikinn England - Sviss með öðru auganu en langar meira en allt að leggja mig í smá stund... en nei ætli ég verði ekki að fara að setja þvottinn minn út á snúru núna. Það er einhvern veginn alveg nóg að gera þessa fjóra daga sem maður fær í frí! Samt notalegt að fá að koma smá í bæinn... hitta kadlinn sinn og vini! En vá ég er alveg að lognast útaf svo ég held ég reyni bara að leggja mig þar til ég heyri pípið í þvottavélinni! Heyrumst bara síðar.... vonandi hittir maður bara á sem flesta þegar maður kíkir niður í bæ í kvöld! Reyni kannski að blogga pínu meira áður en ég hverf á fjöll aftur... en ef ekki... farið vel með ykkur ;) Bæjó!

Sumarið er komið, svon' á þa' að vera!

2004-06-05T18:12:00.000Z

Jamm... sumarið er sko komið! Ég er búin með fjóra vinnudaga og líkar bara ágætlega þó að þetta hefjist ekki fyrir alvöru fyrr en á mánudaginn. Þá verður keyrt langar leiðir, Reykjavík - Borganes - Hrútafjörður - Blönduós - Akureyri - Bárðadalur!!! Jamm... áfangastaðurinn er Bárðadalur! Þar mun ég eyða 10 dögu við að hallamælingar! Ætli það verði ekki bara fínt? Jú nema kannski öxlin gefi sig endanlega? Jamm ég fékk nebbla að kynnast smá þessum hallamælingum sem við eigum eftir að vera í allan júní og júlí í gær og öxlin á mér er í rúst. Málið er að maður gengur með þriggja metra háa stöng, ok allt í lagi með það, svo þarf maður að láta hana frá sér öðru hvoru og labba svo af stað aftur. Til þess að geta labbað með hana þarf maður að setja hana á öxlina á sér, og sem sannur viðvaningur hlýt ég að hafa beytt mér pínu vitlaust því ef ég verð svona eins og ég er núna eftir hvern einasta dag í 10 daga úthaldi þá dettur öxlin af á endanum! Vona að maður læri eitthvað betur á þetta þegar fram líða stundir :o) Annars er ég bara svona að fara að hafa mig til, finna töskur, nestisbox, spreyja skó með vatnsfælandi efni og svona! Þetta verður bara fínt! Vona að maður fái svo sól... það væri æði! En jæja ekkert hangs! Heyrumst bara að 10 dögum loknum.... þangað til þá.
Bless bless, ekkert stress, verið hress :o)

Stúdent!!!

2004-05-30T17:20:00.000Z

Jamm "Dröfn, komin í höfn" eins og sagði í einu kortinu! Dröfn er barasta orðin stúdent! Hah, ekki amalegt það! Jamm það var nú alveg heljarinnar prógramm í kringum þessa útskrift! Finna föt, fara í klippingu/strípur, þrífa húsið, redda veitingum ofl. ofl. ofl.! Gekk samt allt vonum framar og dagurinn var í einu orði sagt FRÁBÆR! Veðrið var meira að segja bara þokkalega skaplegt! Þessi dagur mun seint gleymast, sem og dagurinn eftir (þ.e. dagurinn í gær). Svo ég útskýri það örlítið þá leyfði ég mér að sofa fram að hádegi og slappaði svo bara af fram að kvöldmat. Þá var nebbla komið að hinu bráðskemmtilega Júbílantaballi, þ.e. afmælisárgangar útskrifaðir úr MR sem og nýstúdentar hittust á Súlnasal og dönsuðu og skemmtu sér fram í rauðan dauðan, svo var það pulla á Bæjarins Bestu og heim til Óla í smá tjill og svo bara skriðið undir sæng og sofið eins lengi og ég mögulega gat! Yndislegt! En þrátt fyrir allt varð ég fyrir miklum vonbrigðum þegar ég opnaði ísskápin þegar ég vaknaði! EKKERT TIL!!! Mamma og pabbi fóru upp í sumarbústað þegar ég var á ballinu og þau tóku ALLT með sér!!! Alla afgangana úr veislunni, allt nammið.... ALLT!!! Pirr pirr... en það er allt í lagi ég er að fara upp á Minna og fæ að borða þar :) Og kannski maður fari bara líka á hestbak? Aldrei að vita. Það er eins og maður svífi á einhverju gleði skýi þessa dagana! Ekki leiðinlegt það! En ég er þá bara farin að láta mér líða vel eða bara láta mér leiðast því það er svo langt síðan ég hef leyft mér það... gæti orðið skemmtilegt?
En ég segi bara GLEÐILEGT SUMAR... hafið það gott.
Arrivaderci...

Ví ví ví... samt ekki ví eins og Verslunarskóli Íslands!

2004-05-26T00:34:00.000Z

Ónei ekkert versló bull!!! Og í rauninni ekkert skóla bull! Ég er hér um bil búin með MR! Á bara eftir að sækja plaggið sem staðfestir það! Voðalega er nú gott að vera búin þó þetta hafi nú ekki verið eins og best hefði verið kosið, en þetta er búið :)
Jebb þá blasa við snúningar og reddingar í nokkra daga og svo er það bara good old Iceland!!! Jamm og það sko the highlands of Iceland! Það verður yndi að kíkja upp á fjöll að viðra sig pínu! Æðó pæðó! En nú er ég sko alveg búin, fór illa sofin í party til Gunna í gær, fór seint að sofa, vaknaði tiltölulega snemma og stóð í snúningum allan daginn, fór í matarboð og svo á hestbak! Þetta plús upp söfnuð prófaþreyta gerir það að verkum að ég þrái ekkert meir akkúrat núna en að fara undir sæng og loka augunum. Hey góð hugmynd! Ég er farin, heyri í ykkur seinna... hafið það gott og sofið rótt.
Gónó!

Ojjjj ojjj ojjj!!!!

2004-05-22T19:29:00.000Z

Maður myglar!!! Þetta er ógeðslegasti lærdómur sem maður fer í gegnum í hvert sinn sem haldin eru próf í MR!!! Ojjj ojjj ojjj! Sitja og læra reglur, að sanna þær og skilgreiningar daginn inn og daginn út er bara hreinn vibbi. Þetta er ekkert leiðinlegt námsefni en að þurfa að sitja svon alveg pikk fastur, límdur við þetta er það sem gerir mann ALVEG CRAAAAZZZZYYYY! Síðasta skiptið, right? Jæja ætli ég hafi ekki næga útrás í bili?
En ég GET EKKI BEÐIÐ eftir því að klára þessi próf á mánudaginn einhvern tíman um/eftir hádegi!!! Ohhh hvað það verður LJÚFT!!! Og ég get ekki beðið eftir að komast í búðir að kaupa mér útskriftarföt. Fór nebbla í stúdentsveislu til Rakelar vinkonu minnar á Hvolsvelli í gær og þurfti náttla að finna gjöf handa dömunni. Ég fór í prófamyglunni í Kringluna að leita að gjöf og gekk það bara nokkuð vel. Þar hitti ég Boggu sem var að klára munnlega stærðfræðiprófið sitt og átti þá bara eitt lítið íslenskupróf eftir! Og hún var þarna að leita sér að útskriftardressi! Ohh hvað mig langaði að skipta við hana... ég meina það hefði alveg virkað! Hún búin að læra fyrir stærðfræðina og ég fyrir íslenskuna! Hefði einhver tekið eftir því??? Neeehhh....! En nú er ég farin... alltof mikið eftir til þess að vera eitthvað að slugsa á netinu!!
Heyrumst eftir próf!!!! Vívíví!!!
Bæ!

Allt annað en skólabækur!

2004-05-18T15:45:00.000Z

Jamm ég er að hugsa um eitthvað allt annað en skólabækurnar þessa dagana! Þannig er að mig er farið að dreyma ískyggilega mikið um sumarið... ég er að fara upp á fjöll... af hverju hlakkar mig svona til??? Ég fór meira að segja í Húsasmiðjuna áðan að kaupa mér flíspeysu fyrir sumarið! Ekki nóg að eiga bara eina! Þetta er agalegt! Já og svo er ég komin með orðið agalegt á heilann! Á örugglega eftir að segja það í íslenskuprófinu á morgun!!! En af hverju hlakka ég svona til að komast upp á fljöll... fæ ekki einu sinni að hitta Sigga nema mjög takmarkað og skemmtilegasti maður sem ég þekki... ætti nú ekki að hlakka til að stinga hann af! Ég verð ekki einu sinni í síma sambandi alla daga!!! Hvað er málið??? Kannski er staðan bara orðin sú í dag að allt er betra en að sitja inni í góða veðrinu að læra! Rakel vinkona er að fara að útskrifast næsta föstudag. Ég er svo stolt af henni... veit reyndar ekki alveg hvað hún ætlar að gera næsta vetur en ég veit að hún stefnir á að fara í arkítektúr... einhvern tíman á ævinni! Vona að hún láti verða að því, þá getum við unnið saman sem arkítekt og verkfræðingur:)
En jæja... þýðir ekkert að vera að snakka um eitthvað sem á bara eftir að koma í ljós... þarf víst að klára þennan skóla fyrst áður en ég get farið að láta mig dreyma um komandi ár!
Ég er hætt þessu bulli... heyri í ykkur síðra og vona að ykkur gangi betur að halda athyglinni yfir bókunum!¨
Sí jú leiter gæs!

Nú sér sko fyrir endan á þessu!

2004-05-15T12:25:00.000Z

Jamm var í þriðja síðasta prófin í morgun. Gekk ekki alveg jafn vel og ég vonaði þar sem prófið reyndist vera frekar þungt og allir voru kvartandi og kveinandi þegar út var komið. En það besta er að það er búið!!! '
Þá eru bara munnlegu prófin eftir sem er bara æðislegt. Ég er reyndar að verða pínu stressuð fyrir þessari stærðfræði þar sem það er allra síðasta próf og það verður erfitt að halda sér við efnið alla leið til enda. En það er nauðsynlegt. Þessi stærðfræði er nú heldur ekkert leiðinleg svo það hjálpar pínu.
En nú eru það bara tónleikar eftir smá... svaka gaman. Svo ætla ég að leyfa skólabókunum að fá smá frí frá mér í kvöld og gera eitthvað allt annað... kominn tími til! Hvað myndu skólabækur annars gera í frítíma sínum? Ætli þær baktali mann... "ohhh hún er svo vitlaus, þurfti að lesa bls. 35 tíu sinnum til að skilja hana" eða eða "ohhh hún er svo lengi að lesa, ef hún væri ekki svona lengi að lesa þá væri ég sko löngu farin í sumarfrí til Spánar". Þessar skólabækur, algjörlega óútreiknanlegar! En þær fara nú alveg að losna við mig...
Hey já... mæli með því að fólk prófi að drekka gos með eyrnatappa þegar því leiðist... getur lífgað upp á daginn. Þau eru nebbla alveg ótrúleg þessi sms sem berast mér úr öllum áttum í prófatörninni... skemmtilegar pælingar, uppgötvanir og annað slíkt sem fólk vill deila með mér, það er æðislegt!
En blási blás... tónleikar!
Heyrumst síðar!

Já já... það nálgast!

2004-05-13T15:25:00.000Z

Jamm og jæja það nálgast... endalok þessarar endavitleysu! Ohh hvað það verður notalegt!!! En segið mér nú eitt... veisla ekki veisla? Veislan gæti orðið heljarinnar partý og "at the same time" vesen og stress þó að foreldrar mínir lofi öðru. Ef ekki veisla gæti verið gott að fara út að borða með fjölskyldunni en það gæti orðið bara svolítið tómlegur dagur og þó... alveg nóg að gera þennan dag hvort eð er og búin að fá boð í aðra veislu? Hvað segið þið??? Hvað á ég að gera? Æ kemur allt í ljós.
Ég vil hér með þakka Konna enn einu sinni fyrir hans afar faglegu hjálp á tölvusviðinu. Eins og þið sjáið er komin svona mynd af mér hér til hliðar... Krítarmynd (þess vegna er ég svona útfjólublá!). Án Konráðs hefði mér ekki tekist að setja hana inn! Takk Konni :)
En í kvöld ætla ég að gerast smá menningarviti... skella mér á smá tónleika listahátíðar. St.Basil karlakórinn heldur hálftíma tónleika fyrir starfsmenn Landsvirkjunar og þar sem faðir minn stakk af ásamt bróður mínum til Boston fyrir tveimur tímum vantaði mömmu deit á tónleikana! Ekki amalegt það... vona ég!
Já og svo er það bara Júróvisjon á laugardaginn, hah! Já ég er búin að lofa mér í reiðtúr með manni sem vill sérstaklega fara þennan reiðtúr til þess að losna við allt fárið í kringum þetta! Annars hef ég ekkert þannig lagað á móti þessari keppni og vona meira að segja að Þjóðverjar vinni, þ.e.a.s. ef söngvaranum tekst vel til á keppninni sjálfri... flott lag... reyndar eitt af þeim fáu sem ég hef heyrt! En Íslendingum tekst alltaf að fara yfir strikið þó þeir reyni að vanda sig. Ég kúgaðist hreinlega um daginn þegar ég heyrði einhverja auglýsingu í útvarpinu sem endaði eitthvað á þessa leið: "Áfram Ísland, Áfram Jónsi!" Lítur voða sakleysislega út svona en hvernig maðurinn sagði þetta.... oj! Nóg um það!
Fyrst að ég er í svona miklu stuði við að skrifa (koma-mér-undan-því-að-læra heilkennið) þá langar mig nú að auglýsa smá kammertónleika í Háteigskirkju á laugardaginn kl. 14. Blásaradeild Tónlistarskólans í Reykjavík heldur smá tónleika og mun ég taka þátt í þremur atriðum, öllum mjög flottum. Komi þeir sem geta og vilja! Fríkeypis!
En nóg af ég-nenni-ekki-að-læra blaðri... mér er víst ekki til setunnar boðið!
Kveð í bili... heyrumst síðar!

Jáh...!

2004-05-11T16:55:00.000Z

Þetta er allt að hafast með þessi próf! Allt þetta snúna búið, þ.e. stærðfræðin og eðlisfræðin. Þá eru bara próf úr fögum sem maður-þarf-ekki-að-hugsa-í eftir. En það þýðir ekkert að maður geti bara slappað, ónei... það er hellingur sem á eftir að lesa! Og af hverju er ég ekki að því? Sennilega vegna þess að mér finnst ekki skemmtilegt að lesa.... ég veit ekki!
Ég hef nú eiginlega ekki neitt að segja en ég er svona að reyna að laga þessa síðu aðeins til og gera hana svona meira að minni... fattiði? Æ skiptir ekki máli... ég er bara að grúska aðeins í html kóðanum... reyna að gera eitthvað sniðugt! Jamm ætli ég kíki ekki aðeins á það? Jújú... við heyrumst bara síðar, bæjó!

Jamm og jæja... ætli ég láti mig hafa það?

2004-05-10T19:01:00.000Z

Jamm... þetta bloggleysi er alveg að fara með mig í prófunum! Þó ég hafi haldið það út í jólaprófunum þá er þetta einhvern veginn bara alltof erfitt! Enda næstum mánuður sem fer í þessi blessuðu próf. En já ég ætla að gera smá tilraun... einu sinni enn... með þennan blogger. Elfa benti réttilega á það að blogger hefur tekið töluverðum breytingum, fengið svona "netta" andlitslyftingu... Ég vona að okkur eigi eftir að semja betur nú í þetta skiptið. Ég held ég reyni líka að halda mig við þetta út þetta sumar þar sem það verður hvort eð er lítið um blogg. Ég er nebbla að fara að vinna uppi á fjöllum og gefst þess vegna ekki tækifæri til að kíkja á netið á hverjum degi. En já ætli ég láti þetta ekki bara nægja í bili... þarf víst að læra meira!!! Ég held ég óski bara sjálfum okkur, mér og blogger, velfarnaðar á nýju vefsvæði :)
Heyrumst síðar...